1. Mae 'Llenwi'r Bylchau' yn helpu pobl leol i gyfyngu'r arian sy'n llifo allan o'r ardal.
Ar lefel sylfaenol gall hynny olygu cymell pobl i wneud penderfyniadau doethach o ran sut byddant yn gwario'u harian; ar lefel arall, gall arwain at symbylu corff gwirfoddol i ymestyn ei weithgaredd ond, ar lefel fwy cymhleth, gallai olygu busnes yn ehangu ei ddewis o gynnyrch, fyddai wedyn yn arwain at gyflogi a hyfforddi mwy o staff. Gall olygu rhywun yn mentro i lansio busnes newydd, neu gwmnïau'n ymrwymo i brynu mwy o nwyddau a gwasanaethau yn lleol.

Gallai gwaith i lenwi bylchau gynnwys

• prosiectau ynni cymunedol
• mentrau marchnata a dosbarthu cynnyrch lleol
• gwyliau i ddathlu treftadaeth, diwylliant, ffermio a chwaraeon lleol
• gwell defnydd o neuaddau pentrefi i gynnig gwasanaethau lleol.

2. Cynlluniau Datblygiad Arwynebedd
Bydd pob Grwp Menter Cymunedol yn llunio cynllun gwaith er mwyn clustnodi cyfleoedd lleol ac yn cefnogi'r cynlluniau gydag ymchwil, cyngor a hyfforddiant.

3. Garddio Economaidd - Dyfrhau yr desert
Drwy gyfrwng proses a ddisgrifir fel 'garddio economaidd' byddwn yn archwilio'r holl adnoddau lleol - cymdeithasol, economaidd, diwylliannol, amgylcheddol - er mwyn clustnodi cyfleoedd i ychwanegu dimensiynau economaidd newydd. Y syniad yw symbylu syniadau mentrus er mwyn tyfu planhigion cryf o hadau bach, fydd wedyn yn ffynnu yn y dyfodol.

Bydd yn bwysig nodi talentau, hobïau, diddordebau a sgiliau cudd y gellid trosglwyddo - gyda chymorth a hyfforddiant - i greu cyfleoedd economaidd newydd.

4. Rhwydwaith Menter Sir Benfro
Sefydlwyd y grwp yma, o gyrff lleol a rhanbarthol sy'n cefnogi gweithgaredd o bob math yn Sir Benfro, er mwyn darparu cymorth effeithiol i ddatblygu mentrau newydd.

Partneriaeth ac Ymchwil
Bwriedir ymchwilio amrediad eang o weithgareddau yn sir Benfro ynghyd â'u gwerth economaidd, er mwyn gweld os allwn eu helpu i gyfrannu mwy at ddatblygiad economaidd cynaliadwy yr ardal.

Yn y cyd-destun hwnnw mae PLANED wedi sefydlu partneriaethau newydd gyda'r New Economics Foundation, Llundain a Chanolfan Menter a Datblygiad Rhanbarthol Prifysgol Cymru, Bangor. Bydd PLANED hefyd yn parhau i weithio gyda'i bartneriaid academaidd tymor hir megis Coleg Sir Benfro a Sefydliad Busnes, Prifysgol Cymru Aberystwyth.

Sut fydd yn gweithio?
Byddwn yn gweithredu'r fenter drwy 15 Grwp Menter Cymunedol drwy'r sir gyfan, gyda'r aelodau'n cynrychioli fforymau cymunedol, ac yn derbyn cymorth gan nifer o asiantaethau arbenigol. Bydd cynrychiolydd o bob grwp ar is-fwrdd entrepreneuraidd PLANED. Gyda'i gilydd byddant yn pennu beth sydd angen gwneud i ddatblygu potensial yr ardal. Swyddogaeth PLANED yw gweithredu i helpu pobl leol i ddod at ei gilydd a gweithredu proses fydd yn arwain at greu Cynllun Gwaith Entrepreneuraidd. Yna bydd PLANED yn parhau i gydweithio â phobl leol a phartneriaid allweddol er mwyn cefnogi datblygiad y projectau o fewn y cynllun - wrth gyfrannu amser ei staff, arbenigedd, adnoddau a chyllid - er mwyn gweithredu syniadau. Cwmni cymunedol dielw yw PLANED; mae hefyd yn elusen gofrestredig.

Pam mae PLANED yn gwneud y gwaith yma?

Mae'n rhaid i Gymru droi'n gymdeithas entrepreneuraidd.

"Ar gyfartaledd sefydlir llawer llai o fusnesau newydd yng Nghymru nag yn Ewrop, Gogledd America a gweddill y Deyrnas Unedig. Os bydd hynny'n parhau byddwn yn dioddef yn economaidd ac yn dibynnu'n ormodol ar fympwy mewnfuddsoddwyr. Rhaid i ni ddechrau datblygu agwedd llawer mwy positif er mwyn galluogi'r wlad i ffynnu dros y degawd nesaf."
Yr Athro David Broadbank, cyfarwyddwr, Sefydliad Entrepreneuraidd Cymru